Ashqo.n ko
rokna bhi hunar ho jaise,
Aakho.n me
dabi koi laher ho jaise
Itni
viraaniyon se guzar kar bhi,
zinda Dil me
koi shaher ho jaise
Ye koi
azaar hai ya Tarjuma-e-marg,
Apni ragon
me daudta zaher ho jaise
Uske
ikhtiyar me aaye radeef-o-kaafiya,
Mere hisse
me aayi baher ho jaise
Aable paaon
ke ban gaye hausle,
Us
nigaah-e-parwaaz me daher ho jaise
No comments:
Post a Comment